Cinco persoas atendidas por inhalación de fume tras o incendio dun piso en Porto do Son
Un home de 56 anos tivo que ser trasladado ao hospital do Barbanza
Os dous gatos da familia morreron no incendio
Aparatoso incendio está mañá en Porto do Son. O lume calcinou un piso do centro da vila. Cinco persoas resultaron afectadas por inhalación de fume e morreron dous gatos. Os veciños dos pisos superiores tiveron que permanecer confinados ata que foron rescatados.
Un home de 56 anos tivo que ser trasladado ao hospital do Barbanza. O resto dos afectados foron atendidos polo 061 e posteriormente déronos de alta.
O lume declarouse contra as dez da mañá nun dos edificios da fachada marítima. As lapas arrasaron por completo o salón e propagáronse a unha habitación contigua; o fume afectou a totalidade da vivenda.
A Garda Civil e a Policía xudicial investigan as causas do incendio.
