Falece un condutor de 18 anos ao chocar cun poste de formigón en Arteixo
Desprazáronse ata o punto os Bombeiros de Arteixo, a Policía Local, a Garda Civil, os profesionais de Urxencias Sanitarias de Galicia-061 e Protección Civil de Arteixo
Un mozo de 18 anos, C.C.R. faleceu en Arteixo na tarde do xoves tras saírse da vía co seu coche e chocar cun poste de formigón do tendido eléctrico.
O suceso ocorreu ás 14:45 horas na estrada CM-0398, no punto quilométrico 2.800.
🔴 #AXEGAInforma do falecemento do condutor dun coche que se saíu da vía en Arteixo.
— 112 Galicia (@112Galicia) November 28, 2024
📍 Parroquia de Morás.
➡️ Os Bombeiros de Arteixo traballan para estabilizar o vehículo e retirar o corpo sen vida do único implicado.
➡️ Varios particulares alertaron ao #112Galicia.
(1/2) pic.twitter.com/xLnnuPsPZN
Ata o punto desprazáronse os Bombeiros de Arteixo, a Policía Local, a Garda Civil, os profesionais de Urxencias Sanitarias de Galicia-061 e Protección Civil de Arteixo.
Precisamente os bombeiros tiveron que facer uso do material de excarceración para liberar ao home, por cuxa vida nada puideron facer os profesionais sanitarios.
Operarios de Emerxencias traballando no lugar do accidente
Foron varios os particulares que alertaron aos servizos de emerxencias, indicando que a situación era grave e que a persoa estaba atrapada. Con todo, unha vez no lugar, os sanitarios non puideron salvar a vida do mozo, a pesar de que se desprazou ata alí unha ambulancia de soporte vital avanzado e outra de soporte vital básico.
