Un accidente múltiple obriga a cortar a Autoestrada do Atlántico á altura de Oroso
No sinistro, que deixou un ferido leve, víronse implicados seis coches
O suceso provocou retencións na AP-9
Un accidente de tráfico obrigou a cortar este luns a autoestrada AP-9 ao seu paso polo concello coruñés de Oroso.
O sinistro ocorreu contra ás oito e media, provocando importantes retencións na vía e un ferido leve.
📢⚫En A Coruña, un siniestro provoca el corte total de la AP-9, en el entorno de Oroso, en sentido a la capital coruñense.
— Dir. Gral. Tráfico (@DGTes) January 27, 2025
➡️Incidente en el P.K. 54.
➡️ Desvío debidamente señalizado.
➡️Ocasiona más de 2 kilómetros de retenciones. pic.twitter.com/BJL5vB2DM2
O 112 pediu a intervención de efectivos de Urxencias Sanitarias de Galicia-061, da Garda Civil de Tráfico e da Agrupación de Voluntarios de Protección Civil de Oroso.
Despois de que os diferentes medios acudisen á zona, confirmaron que había un total de seis turismos implicados, cun único ferido e de carácter leve. Foi necesario cortar a vía durante a intervención.
