Falece un home de 51 anos nun accidente de tráfico en Amoeiro
O falecido e único ocupante non levaba posto o cinto de seguridade
Os servizos médicos que acudiron ao lugar do sinistro só puideron certificar a súa defunción
Un home de 51 anos faleceu nun accidente de tráfico en Bóveda, no concello orensán de Amoeiro. O suceso tivo lugar ás 08:23 no quilómetro 3,4 da estrada OU-0525 (Cambeo-Ponte Frades), sentido crecente. O coche saíu da vía pola dereita e chocou contra un muro. O falecido e único ocupante non levaba posto o cinto de seguridade.
Os servizos médicos que acudiron ao lugar do sinistro só puideron certificar a súa defunción. Así mesmo, foi preciso mobilizar: dúas patrullas de motoristas e un equipo de investigación de sinistros do Subsector de Tráfico da Garda Civil de Ourense e un equipo de bombeiros para a liberación do corpo atrapado no interior do vehículo.
.png)
