Falece un home mentres podaba nunha casa en Muros

Un home faleceu tras caer desde varios metros de altura mentres podaba nunha vivenda en Muros.

Foi unha familiar do falecido a que contactou co 112 Galicia arredor das 16:20 horas para alertar de que este acababa de sufrir unha caída nunha vivenda situada no lugar do Cabo, en Muros.

🔴 #AXEGAInforma do falecemento dun home tras caer desde varios metros de altura mentres podaba nunha vivenda en Muros.

📍 Lugar do Cabo.
➡️ O GES de Muros tivo que empregar arneses para o rescate.

🔗 https://t.co/Z2Y6xlEhSl pic.twitter.com/yW13DbthHL

— 112 Galicia (@112Galicia) November 29, 2024

Ao chegar alí, o persoal de Urxencias Sanitarias de Galicia-061 comprobou que o implicado caera sobre unhas rocas desde varios metros de altura mentres realizaba labores de poda na súa propiedade.

Ademais, existía o risco de que continuase caendo polo noiro onde quedara situado.

Debido á situación do accidente, unha zona de difícil acceso e con gran pendente, os efectivos do GES tiveron que empregar arneses para proceder coas tarefas de rescate.

Finalmente, os servizos sanitarios só puideron confirmar o falecemento do home.