Investigan 4 agresións sexuais nun centro comercial de Badalona

Os Mossos d'Esquadra investigan catro agresións sexuais nas inmediacións do centro comercial Màgic de Badalona. Entre as catro violacións investigadas figura a que se coñeceu hai unhas semanas da nena de 11 anos presuntamente agredida por, polo menos, cinco menores de idade, un deles en internamento en réxime pechado e outro en liberdade vixiada, mentres que o resto son inimputables.

A última agresión sexual que a policía catalá investiga corresponde a outra violación, que sucedeu o pasado mes de agosto. A vítima tiña 16 anos e os Mossos tratan de pescudar se ten relación coa da nena de 11.

Sobre os dous outros casos un correspondería a unha agresión sexual a un menor de 14 anos por parte dun adulto, que se coñeceron a través das redes sociais.

O cuarto caso correspondería a outra violación, a unha nena da mesma idade, agredida pola súa propia parella e obrigada a manter sexo con outras tres persoas.

O Concello celebrou unha reunión co Centro Comercial Màgic, os Mossos d'Esquadra, a Garda Urbana e representantes do Hospital Universitario Germans Trias i Pujol, programada desde facía días, para abordar os casos que se coñeceron na cidade sobre agresións a menores e mozas.

Tamén está a mellorar os protocolos de seguridade no interior do centro comercial, onde se aumentaron as medidas de seguridade.