Manu Rodríguez, o mito do Lugo que agora deseña o Ourense C. F.

Parece que foi antonte, pero pasaron doce anos e medio desde aquel ascenso a Segunda que marcou a historia do Lugo e do goleador, o hoxe director deportivo do Ourense, Manu. Un día memorable. Dez anos no Lugo, unha capitanía e aquel ascenso deixaron fonda pegada en Manu, pero a vida cambiou e as prioridades tamén. 

Amiguiños si, pero a vaquiña polo que vale, e este Ourense rutilante na Copa ten deberes pendentes na Liga. Chegar a vinte e un puntos no peche da primeira volta é o seu obxectivo. Como o do Lugo sumar para afastar pantasmas e arrimarse dunha vez á zona de promoción.