No 2025 a Xunta seguirá apoiando iniciativas solidarias como os bancos de alimentos
Alfonso Rueda dixo que entidades coma os bancos de alimentos son exemplo da solidariedade e compromiso do pobo galego
No Banco de Alimentos Rías Altas, da Coruña, estes días hai traballo de sobra. Os máis de dous mil voluntarios cos que conta a entidade afánanse para que todos os alimentos estean repartidos a tempo. O presidente da Xunta coñeceu de primeira man o seu traballo e dixo que entidades coma esta son exemplo da solidariedade e compromiso do pobo galego.
Alfonso Rueda agradeceulles aos voluntarios "que en datas tan sinaladas sigan traballando para que moitas persoas poidan celebrar a Noiteboa como todo o mundo merece. Os bancos de alimentos son necesarios non só nestas datas, senón tamén o resto do ano".
Rueda comprometeuse a seguir apoiando iniciativas solidarias coma esta que, asegurou, son fundamentais na loita contra a desigualdade.
