Nova mobilización dos traballadores de Vitrasa en folga indefinida
A marcha provocou importantes retencións no tráfico da cidade
Nas paradas, centos de usuarios sofren a falta do transporte urbano para desprazarse pola cidade
O conflito laboral continúa complicando a mobilidade en Vigo. As esperas nas paradas superan a media hora poñendo a proba a paciencia dos viaxeiros.
Coas negociacións do convenio colectivo rotas, os traballadores critican a postura do Concello no conflito e piden a dimisión do alcalde e do voceiro do Goberno local.
O paro indefinido cumpre a cuarta semana e as solucións parecen estar lonxe. Os traballadores piden unha mellora salarial e acusan a Vitrasa de mentir.
Este mércores continuaron as protestas na rúa. A manifestación dos traballadores provocou problemas no tráfico desde primeira hora da mañá con importantes retencións nas principais arterias da cidade. As mobilizacións continuarán durante esta semana.
