O bono de consumo cultural para mozos incluirá vídeoxogos pero non touros nin moda

O bono de consumo cultural que o Goberno entregará aos mozos que fagan 18 anos incluirá videoxogos, pero non touros, nin deseño, moda nin gastronomía. Adiantouno o ministro de Cultura.

Miquel Iceta explicou que os produtos dixitais e subscricións a plataformas e a medios de comunicación terán un tope. A finais de xaneiro concretarase por decreto o contido ao que pode destinarse o bono de 400 euros.