O Obradoiro busca recuperar a confianza diante do Murcia

O Obradoiro abre a participación galega na xornada ACB. Ás seis recibe o UCAM Murcia no Fontes do Sar. Logo de tres derrotas seguidas, os de Moncho Fernández queren recuperar sensacións, esas que perderon durante moitos minutos en Manresa.

Chega a Santiago un rival directo. O Murcia ten un só triunfo menos que os galegos. Durante a semana, Moncho Fernández quixo transmitir confianza aos seus tiradores neste momento de desacerto.