Os sindicatos apertan para subir o SMI a 1.200 euros

O Goberno e os axentes sociais reuníronse este mércores para comezar a negociar a suba do Salario Minimo Interprofesional. O executivo propón elevalo 50 euros ao mes, ata os 1.184 euros, pero di que é unha proposta aberta e flexible. 

A patronal non achegou a súa posición neste primeiro encontro. E os sindicatos aproveitaron para apertar para que o incremento eleve o SMI ata os 1.200 euros mensuais. Tamén reclaman saber se eses 1.184 euros en 14 pagas que propón o Ministerio de Traballo van quedar ou non exentos de tributación.

O Goberno convocounos a unha nova reunión o vindeiro día 22 de decembro para pechar o acordo. Considera que é imprescindible seguir na senda de elevar o salario mínimo para reducir as fendas de pobreza.

"Poderá beneficiar dous  millóns de persoas. E 50 euros é moitas veces a fronteira entre unha boa e unha mala alimentación ou entre poder poñer ou non a calefacción", aseguraba o secretario de Estado de Emprego, Joaquín Pérez Rey