Esta fin de semana producirase a primeira vaga de calor en España do ano
Nunca antes chegara tan cedo, segundo os rexistros da Axencia Estatal de Meteoroloxía
A calor chega por unha nova masa de aire cálido africano que entra polo sur
Os termómetros adiántanse ao verán oficial marcando temperaturas moi altas para esta época do ano. Esta fin de semana agárdase que chegue a primeira vaga de calor de 2022, que se manterá como mínimo ata o vindeiro martes.
A previsión di que moitas zonas da Península e das illas Baleares acadarán entre 35 e 38 graos de temperatura, uns 40 nas contornas dos ríos Guadalquivir, Guadiana, Ebro e Texo, chegando aos 42 graos nalgúns puntos concretos.
A Axencia Española de Meteoroloxía pon en alerta especial as comunidades de Andalucía, Castela-A Mancha e Aragón. Ao caer o sol, as noites serán tropicais tanto no sur coma no centro do país, con temperaturas que non baixarán moito dos 25 graos.
O ambiente máis fresco terémolo no Cantábrico. Cidades como Oviedo e San Sebastián acadarán unhas temperaturas máis suaves, arredor dos 25 graos.
