Suspendido o xuizo contra Íñigo Errejón porque Fiscalía e defensa solicitaron a abstención da maxistrada por ser tamén a instrutora

O deputado de Más País Íñigo Errejón sentou no banco nun xuizo que finalmente quedou suspendido.

Tanto a Fiscalía como a defensa de Errejón solicitaron a abstención da maxistrada por ser ela tamén a  instrutora do caso, por tanto consideraban que ao ir xulgar agora o asunto vulneraba o principio de imparcialidade.

A xuíza, para evitar unha posible nulidade e "calquera sombra de dúbida", elevou o asunto á Audiencia Provincial de Madrid para que se pronuncie sobre a súa abstención ou non.

Íñigo Errejón está acusado dun delito leve de maltrato por presuntamente dar unha patada a un home de 67 anos. Ao chegar aos xulgados, Errejón dixo que tiña ganas de acabar con esta situación.