Un home foi hospitalizado por inhalación de monóxido de carbono en Pontevedra

Un home foi evacuado en ambulancia dende o centro de Pontevedra ao hospital a noite pasada en estado semiinconsciente por inhalación de monóxido de carbono.

A súa parella e unha filla que o acompañaban saíron ilesas. Iso permitiu que a muller pedira axuda. O incidente puido deberse á evacuación inadecuada de gases dun quentador ou a unha fuga de butano.

A policía precintou a instalación da vivenda, situada na rúa Nova de Arriba e dedicada, ao parecer, a uso turístico.