Catro feridos no incendio dunha vivenda en Ferrol

En Ferrol catro persoas tiveron que ser trasladadas ao hospital tras rexistrarse un incendio nunha vivenda. O lume calcinou por completo o cuarto en que se atopaba unha muller con problemas de mobilidade.

Os bombeiros atopárona na cama con queimaduras nas mans. O resto de afectados presentaban só síntomas de intoxicación por fume. Barállase a posibilidade de que a orixe fose estufa eléctrica que acabaou prendendo nunha cortina.