Deteñen un veciño de Cambre como suposto autor dun roubo con violencia nunha farmacia

Axentes da Garda Civil detiveron un veciño de Cambre como posible responsable do roubo nunha, farmacia, tras visionaren as cámaras de seguridade do establecemento.

O ladrón entra coa cara cuberta e ameazando os empregados cunha arma de fogo simulada e cunha arma branca. Logo leva varios medicamentos.

O roubo produciuse hai pouco máis dunha semana, pero a Garda Civil acaba de deter o presunto autor dos feitos, un veciño desta localidade. Na súa casa atoparon a máscara e mais as armas empregadas para cometer o delito.