Detidos tres integrantes dunha banda dedicada ao roubo con forza de vivendas

Detidos tres dos integrantes dun grupo criminal dedicado ao roubo con foza en vivendas habitadas. Os arrestados cometeran roubos nas localidades de Ames, Bergondo, Ferrol e Vilagarcía.

Traballaban en campañas, grupos de tres a cinco individuos, procedentes case sempre de Europa do leste, que se desprazaban desde fóra de Galicia para realizar os roubos.

Aquí permanecían entre unha e dúas semanas para perpetrar varios asaltos, sobre todo en chalés de zonas illadas. Foron detidos xusto antes da súa partida.

O xuíz decretou o seu ingreso en prisión. A operación continúa aberta e non se descartan novos arrestos.