En estado moi grave a ocupante dunha moto tras un accidente en Chandrexa de Queixa

O accidente produciuse na estrada comarcal que enlaza Trives con Chandrexa de Queixa,  e foi  xa neste concello á altura do quilómetro 15.

Por causas que se están a investigar, bateron dúas motocicletas. A pasaxeira saíu despedida tras impactar coa motocicleta que ía diante.  Foi necesario mobilizar o helicóptero para trasladala ao hospital de Ourense. O seu estado é moi grave.  Tanto o condutor de esa moto como piloto e o pasaxeiro da outra quedaron ilesos no accidente.