Morre un home de 50 anos ao envorcar o tractor que conducía no concello de Boiro
O falecido era veciño de Teaño e quedou atrapado baixo o vehículo agrícola
Un home de 50 años e veciño de Teaño perdeu a vida este sábado tras envorcar o tractor que conducía no lugar de Runs, no concello de Boiro. Segundo informa o 112, o sinistro produciuse sobre as 15:00 horas.
Un particular alertou a central de emerxencias e ata o lugar desprazáronse axentes da Garda Civil, efectivos de Protección Civil e bombeiros de Ribeira, que liberaron o corpo da vítima. A axuda dun veciño do lugar, que tiña unha restroescavadora, foi fundamental.
Tamén acudiu persoal médico do 061, pero o home faleceu no acto. Por causas aínda sen determinar, o tractor saíu da vía, caeu por un desnivel e envorcou.
Este é o segundo accidente de tractor en España esta semana. Un home de 72 anos faleceu na localidade cordobesa de Pozoblanco o día de Nadal, cando traballaba na súa plantación de oliveiras.
O lugar do accidente coas marcas das rodas do tractor
