Morre un home de 50 anos ao caer da moto en que viaxaba en Pontevedra
Ata o lugar desprazáronse Urxencias Sanitarias de Galicia-061, Garda Civil de Tráfico e os Bombeiros de Pontevedra
Un motorista de 50 anos faleceu este martes á mañá ao caer do seu vehículo. Sucedeu na PO224, en Bora, no concello de Pontevedra.
🔴#AXEGAInforma de 2 accidentes mortais:
— 112Galicia (@112Galicia) March 13, 2024
📍 PO224, Bora, #Pontevedra
➡️ Un motorista caeu do seu vehículo
🚨 Urxencias Sanitarias de Galicia-061, @guardiacivil de Tráfico, #BombeirosPontevedra
🧵👇 pic.twitter.com/ZdpPt9dOHS
O accidente produciuse sobre as oito e media da mañá. Foi unha persoa, que atopou o motorista tendido sobre a cuneta, a que alertou os servizos de emerxencia, advertindo de que a vítima non respondía a estímulos.
Ata o lugar desprazouse unha ambulancia do 061, pero o persoal sanitario non puido facer nada por salvar a vida do motorista.
Ademais, acudiron efectivos dos bombeiros de Pontevedra, que xa non interviñeron no suceso, ao estar a vítima liberada e accesible, e axentes da Garda Civil de Tráfico.
As primeiras investigacións apuntan a que o motorista perdeu o control da súa moto e chocou contra un noiro situado nun das marxes da estrada.
