Morre un home de 48 anos atropelado na Laracha
O home que faleceu, veciño de Tordoia, ía recoller un familiar que traballaba con el cando tivo lugar o atropelo
Un home morreu atropelado esta mañá no concello coruñés da Laracha, á altura do quilómetro 6 da AC-523. O aviso chegou ao 112 Galicia contra as 07:30 horas tras recibir a chamada telefónica dun particular, sinalando que había unha persoa inconsciente no chan. O suceso ocorreu preto do campo de tiro olímpico do Pinar.
🔴 #AXEGAInforma do falecemento dunha persoa ao sufrir un atropelo en A Laracha.
— 112 Galicia (@112Galicia) November 25, 2024
📍 AC-523, quilómetro aproximado 6, Soandres.
▶️ O persoal sanitario nada puido facer por salvarlle a vida.
🔗 https://t.co/I12vu9tXYx pic.twitter.com/15ymHG7KmB
Os equipos de emerxencias acudiron ata o punto, pero non puideron evitar o falecemento da persoa.
O home que perdeu a vida é da parroquia de Bardaos, no concello de Tordoia. Tiña 48 anos e traballaba no sector da construción. O falecido ía recoller un familiar que traballaba con el cando tivo lugar o atropelo.
O seu corpo foi trasladado ata o Instituto de Medicina Legal de Galicia onde se lle vai practicar a autopsia.
.png)
