Feridas dúas persoas ao tentar sufocar un lume nun paso en plena procesión
Segundo testemuñas presenciais, un cirio caeu contra a saia da virxe do Rocío en Vélez-Málaga
Dúas persoas sufriron queimaduras nas mans en Vélez-Málaga, ao tentar sufocar un lume na virxe do Rocío en plena procesión. Un dos feridos tivo que ser trasladado ao hospital comarcal e outro foi atendido no lugar.
O suceso produciuse minutos antes das seis da tarde a uns 200 metros de saír a procesión. Segundo testemuñas presenciais, un cirio caeu contra a saia da Virxe cando levantaron o paso.
As lapas queimaron a roupa, un brazo, parte da cara da virxe e o pelo. Varias persoas subiron ao trono para tentar apagar o lume coas mans e con panos, ata que chegou a Policía Local e usou extintores.
Unha vez sufocado o incendio, cubriron cunha manta a imaxe e trasladárona de novo ao seu lugar de saída. A procesión suspendeuse.
O lume provocou momentos de gran confusión e moita xente saíu correndo para refuxiarse en zonas próximas.
Incendio en Chiclana
O venres pasado na coñecida como igrexa de San Telmo en Chiclana (Cádiz), saíu ardendo o manto da imaxe de María Santísima dos Desconsolos, que sufriu danos severos, aínda que non houbo feridos.
