Investigan a aparición dun cadáver en Redondela dentro dun coche calcinado
O vehículo apareceu queimado nunha zona de monte da parroquia de Trasmañó
Un home de sesenta anos, natural de Vigo, apareceu este sábado carbonizado no seu vehículo, que tamén ardeu. Foi nunha pista de terra na parroquia de Cabeiro, no límite con Trasmañó, en Redondela.
Axentes de criminalística da Policía Nacional e a brigada de Homicidios investigan para esclarecer os feitos e arestora non descartan ningunha hipótese. A autopsia preliminar determinará se o varón faleceu a causa do lume ou se xa estaba morto antes de que se propagaran as lapas.
🔴 #AXEGAInforma dunha persoa que foi atopada falecida no interior dun coche que ardeu nunha zona de monte en Redondela.
— 112 Galicia (@112Galicia) January 18, 2025
📍 Parroquia de Trasmañó.
➡️ As forzas da orde investigan o acontecido.
🚨 Bombeiros do Porriño, distrito forestal, @policia, Policía Local de Redondela. pic.twitter.com/MZVOe7pWP5
Ata o lugar do suceso desprazáronse efectivos dos Bombeiros do Porriño, do distrito forestal e tamén da Policía Local de Redondela.
