Jessica Bouzas despídese do US Open despois de dar a sorpresa
A galega perdeu (dobre 6-3) contra a estadounidense Jessica Pegula, a número seis do mundo
Chegou a poñerse con empate a tres no segundo set, pero non puido coa súa rival
Jessica Bouzas, durante o partido. EFE
Non puido ser. Jessica Bouzas quedou eliminada na terceira rolda do US Open nun partido moi duro ante unha das tenistas máis destacadas da actualidade, a estadounidense Jessica Pegula. A número seis do mundo impúxose á galega en dous sets (dobre 6-3). Resultado moi meritorio da de Vilagarcía de Arousa.
Nun partido de Jessica contra Jessica, foi a estadounidense a que levou a voz cantante. A americana gañou por seis a tres o primeiro set, e tamén comezou mellor o segundo. Cando ía tres a cero, Bouzas reaccionou e empatou a contenda.
Pero Pegula subiu o ritmo e Jessica Bouzas claudicou. Dille así adeus ao US Open, outro torneo no que a galega demostrou que este está a ser o seu ano, e que ten calidade para subir na clasificación e loitar por ser unha das mellores no futuro.
