Manifestación contra ENCE en Pontevedra

A Asociación pola Defensa da Ría de Pontevedra volveuse hoxe manifestar contra a presenza de ENCE na ría. Malia as decisións políticas e xudiciais, este colectivo e moitos outros de Pontevedra non renuncian a recuperar a praia na que se asenta a fábrica e o banco marisqueiro que, segundo din, era un dos mellores da ría.

Confían en que a xustiza e as institucións europeas confirmen o que eles consideran a ilegalidade da ampliación da concesión, tal como xa fixeron con outras moi semellantes noutros países europeos como Italia.