Quince detidos tras unha nova noite de protestas en Ferraz
Os arrestos producíronse despois de que os radicais lanzasen bengalas, botellas e outros obxectos ás forzas de seguridade
Protestas ante a sede do PSOE en Madrid (EFE)
Quince persoas detidas este mércores tras os disturbios ocorridos ao final da manifestación en protesta contra a lei de amnistía nos arredores da sede central do PSOE en Madrid.
A manifestación, en que participaron unhas 2.000 persoas segundo a Delegación do Goberno, transcorreu de forma tensa case desde o principio e no medio dun dispositivo de seguridade maior que o de xornadas precedentes.
Despois de que varios grupos de radicais lanzasen bengalas, botellas e outros obxectos ás forzas de seguridade e tratasen de empuxar os valos de protección, os axentes das Unidades Policiais de Intervención (UIP) cargaron con porras e pelotas de goma para dispersar os concentrados.
Fontes do Samur-Protección Civil, confirmaron que atenderon a nove persoas na noite de onte, unha das persoas era policía. Foron atendidos por feridas leves, a maioría sufrían contusións e non se fixo ningún traslado hospitalario
As cargas reproducíronse pouco despois nas rúas contiguas de Marqués de Urquijo e Juan Álvarez de Mendizábal, en que algúns radicais fixeron barricadas con contedores de lixo.
