Un mozo falece na Coruña ao caer ao mar na zona das Amorosas

Un mozo duns 20 anos faleceu tras caer ao mar na zona das Amorosas. Salvamento Marítimo solicitaba contra as oito e media do serán asistencia sanitaria ao 112 por un rescate que realizaron entre a Domus e o Aquarium.

Foi a tripulación do Helimer de Salvamento Marítimo quen conseguía sacar o corpo da auga e trasladalo a terra. O falecido ía cun amigo, que declarou que a vítima caeu ao mar desde as rochas.