Volve a Primeira División de fútbol á Televisión de Galicia, desde o 26 de agosto
TVG e a plataforma dixital AGalega.gal emitirán partidos do R. C. Celta de Vigo nesta temporada de Liga 2024/2025 tanto en Balaídos como fóra de casa
O primeiro encontro televisado será o luns 26 de agosto, co equipo vigués enfrontándose ao Vilarreal
A CRTVG volve emitir partidos da Primeira División da Liga de Fútbol Española. O acordo asinado polos medios públicos galegos cos propietarios dos dereitos televisivos desta Liga 2024/25 fai posible que se emitan, desde o 26 de agosto, partidos do R.C. Celta de Vigo, único representante galego na máxima categoría do fútbol español.
A estrea das retransmisións será o partido Vilarreal-R. C. Celta o luns 26 de agosto, ás 21: 30 h desde o Estadio da Cerámica. O partido poderá verse pola primeira canle de TVG e pola plataforma dixital AGalega.gal.
