A armadora do buque: "Descoñécense as causas do naufraxio"

A Pesquería Nores Marín S. L., a armadora do buque Villa de Pitanxo, que naufragou cando pescaba en augas de Terra Nova, emite un comunicado en que indica que "se descoñecen as causas" que puideron provocar o afundimento e que agora os esforzos céntranse no rescate.

No mesmo comunicado, a sociedade propietaria do barco, tamén dá "as máis expresivas grazas pola atención e preocupación amosada ante tan triste suceso" no nome da empresa armadora e no do colectivo do sector representado pola cooperativa de armadores.