Dúas persoas feridas ao bateren dous coches no concello de Pantón

Dúas persoas quedaron feridas nun accidente de tráfico ocorrido pouco antes das catro da tarde. Sucedeu na estrada N-120, no punto quilométrico 541, á altura do concello lucense de Pantón.

No lugar de Atán, bateron dous vehículos e nun principio parecía que había persoas atrapadas dentro. Desprazados os equipos de emerxencia, finalmente non foi necesario excarcerar a ninguén.  

Un dos feridos foi trasladado ao hospital de Monforte de Lemos e o outro, ao de Ourense.