Ferida grave unha septuaxenaria nun atropelo na Coruña

Unha muller duns 70 anos sufriu feridas de gravidade nun atropelo que tivo lugar pasada a unha da tarde na rúa Manuel Murguía da Coruña. O sinistro tivo lugar na zona de entrada de autoridades do estadio de Riazor. Algunhas testemuñas sinalaron que a muller foi golpeada por un vehículo cando cruzaba a rúa.

Dáse a circunstancia de que no lugar había unha ambulancia pola caída dun ciclista na beirarrúa cara a onde cruzaba a muller. O seu estado era grave, polo que procederon ao seu traslado a un hospital. Algunhas testemuñas apuntan a un descoido da muller. O que si confirmou a Policía Local é que cruzaba fóra do paso para peóns.