Foxe despois de provocar un accidente múltiple en Bergondo

Accidente con varios vehículos implicados en Gandarío, no concello coruñés de Bergondo. Segundo as primeiras informacións, o condutor dun turismo non fixo o stop nun cruzamento.

Bateu contra un camión que ía en dirección a Sada e que, de rebote, impactou contra unha furgoneta e un turismo que estaban aparcados diante dunha terraza. O condutor do camión quedou ferido leve. O que causou o accidente fuxiu do lugar.