O Liceo quere meterse na fase final da Copa de Europa, once anos despois

O 27 de maio de 2012, o Liceo levantaba a segunda Copa de Europa lograda de forma consecutiva. Dende entón os coruñeses non volveron clasificarse para unha fase final. Once anos despois poden conseguilo, se lle gañan ao Oliveirense.

Bruno Di Benedetto: "Será un partidazo, partido dos grandes. Xogamos a vida. Os dous temos que gañar".

Os coruñeses caeron por 5-1 no partido da primeira volta. Pouco terá que ver este encontro con aquel, na primeira xornada de Champions. Agora só un punto de vantaxe para os lusos separa a ambos na clasificación.