Dúas mulleres morren no incendio dunha residencia de maiores en Madrid

Dúas mulleres morreron e outra foi rescatada en estado crítico tras se rexistrar un incendio nunha residencia de maiores de Madrid. 

O sinistro ocorreu no distrito de Aravaca, pouco antes das sete da mañá. O lume comezou nun cuarto da planta baixa do inmoble, que albergaba 39 residentes, pero o fume estendeuse tamén polo segundo andar.

Axentes da Policía Local e da Policía Nacional, bombeiros, o Samur e o SUMMA participaron nos labores de extinción, evacuación e atención das vítimas.